ثقافة

رباب الحسيني تكتب : مزاد علي قد ادينا

كتبت:  رباب الحسيني 

من غير دفع رسوم …..
نويت أخفف عنكم الهموم ….
قررت اعمل مزاد….
أبيع فيه انتيكات ….عفي عليها الزمن …..
يا هل تري هنلاقي اللي يديها ثمن؟
هنعرض فيه…. صلة أرحام ….
ومودة ورحمة من وشوش سمحة ….
هنعرض فيه حب الخير للغير ….
هنعرض فيه…. أعمام… بيخافوا علي ولاد أخوهم الأيتام ….
من غير حسد ولا حقد ولا طمع ولا إذلال
هنعرض فيه…. قلوب طيبة ودي قبل المزاد من الرحمن هبة.
هنعرض…. فيه تقوي وخوف من عبد علي رضا ربنا ملهوف
هنعرض فيه ….وجوه بريئة مهما اتعذبت متقولش غير الحقيقة
هنعرض فيه….. صفاء طفولة قبل ما تشوهها ايام معلولة
هنعرض فيه…. اخوة اندثرت مع امها اندفنت
وصوت جرس عالي بيقول…. يا بني آدميين بكرة هنكون فين؟
في دنيتنا دي
ولا علي أكتاف ناس بتحبنا وناس بتكرهنا متشالين
وبدل غالي البطاطين بالتراب متغطيين
تقدير الثمن علي الزبون…. حسب الجودة والمضمون
وست جمالها ضحك علي الدقون بكعب عالي مش عاجبها بضاعتنا بتقول….. الثمن غالي
حذروا دي مين ؟
عرفتوها ؟
.دي دنيتنا اللي عايشين فيها.
ياويله اللي يأمن ليها
زي النداهة بعد ما توقعه تاخده لمتاهة
تقوله كان غيرك اشطر يا ابو النباهة
هتدخلوا مزادي؟
وتشتروا اللي ينفعكم في آخرتكم
ولا تمشوا ورا دنيا مكلوبة تخدعكم

مين هيفتح المزاد ؟

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
البحيرة اليوم

البحيرة اليوم

إغلاق
إغلاق